Ystyr gyfreithiol sydd i'r term organig, wrth sôn am fwyd. Mae'n golygu bod y bwyd wedi cael ei dyfu a'i brosesu yn unol â rheolau arbennig.

Mae mwy o wybodaeth am y Safonau ar y tudalen hwn ar wefan DEFRA.

  Felly sut ydw i'n gwybod ei fod yn organig?

Gwnewch yn siŵr fod y gair 'organig' ar y label  - ac edrychwch ar y logo

Mae'r logos isod i'w gweld ar gynhyrchion a drwyddedir gan rai o gyrff organig y DU

Beth mae'r Safonau organig yn ei ddweud?

Lles anifeiliaid:

• Rhaid bod digon o le gan anifeiliaid i ymddwyn yn naturiol

• Rhaid bod gan yr holl stoc fynediad i dir pori lle bo modd

• Ni chaniateir bwydo gwartheg cig a godro'n ddwys na defnyddio cewyll ieir caeth

• Dim rhoi gwrthfiotigau'n rheolaidd

Tyfu cnydau:

• Mae tyfu gwahanol gnydau yn yr un ardal yn golygu nad oes cyfle gan blâu ac afiechydon i gynyddu o dymor i dymor

• Ni chaniateir ond ychydig o wrtheithiau artiffisial

• Mae ffermwyr yn cynyddu ffrwythlondeb y pridd drwy ddefnyddio tail a meillion

• Ni chaiff ffermwyr organig ond ddefnyddio nifer fach o blaleiddiaid a hynny o dan amgylchiadau arbennig yn unig

• Ni chaniateir chwynleiddiaid ar ffermydd organig

• Ni chaniateir unrhwy ddefnyddiau wedi'u haddasu'n enetig fel hadau a bwydydd anifeiliaid

• Mae'r dulliau sy'n cael eu defnyddio gan ffermwyr organig yn golygu y gall costau llafur fod yn uwch
• Yn gyffredinol, mae'r ffermwyr yn cael llai o gynnyrch na fermwyr confensiynol, felly er mwyn aros mewn busnes, rhaid iddynt dderbyn pris uwch am eu cynnyrch
• Gall fod yn ddrud cynhyrchu bwyd i anifeiliaid sydd wedi cael ei dyfu'n organig
• Gall bwydydd organig wei'u prosesu fod yn ddrutach na bwydydd confensiynol oherywydd bod cost y cynhwysion yn uwch a gall cyfyngiadau organig eraill arwain at gostau uwch
• Weithiau, gall swmp llai a'r pellteroedd hirach a all fod ynghlwm â bwydydd organig ffres a phrosesedig godi costau cynhyrchu a marchnata
• Yn yr un modd ag unrhyw gynnyrch, pan fydd y galw'n uchel a'r cyflenwad yn isel, bydd y pris yn codi ac ychydig iawn o reolaeth sydd gan y ffermwr dros hyn!

• Yn aml, gellwch chi brynu'n uniongyrchol oddi wrth y cynhyrchydd. Gall hyn fod drwy cynlluniau blwch, o farchnadoedd y ffermwyr, gwerthu ar-lein, archebu drwy'r post neu siopau fferm

• Gall cynnyrch fod yn rhatach yn ei dymor

• Mae'r rhan fwyaf o archfarchnadoedd a siopau cyfanfwyd yn gwerthu cynnyrch organig: os nad ydych yn gallu dod o hyd iddo, gofynnwch amdano!

• Trwy baratoi eich bwyd eich hunan ac osgoi bwyd hynod brosesedig, efallai, at ei gilydd, na fyddwch yn talu mwy na'r hyn y byddwch yn ei dalu am fwyd anorganig

• I ddarganfod lle y gellwch brynu bwyd organig, llawrlwythwch ein llyfryn 'Yn lleol ac organig' neu edrych ar ein tudalen manwerthu neu ein rhestr busnesau organig yng Nghymru

Llun: Janet Baxter

• Mae bwyd organig yn cynnwys llai o waddodion y plaleiddiaid sy'n cael eu defnyddio mewn amaethyddiaeth gonfensiynol, felly wrth brynu cynnyrch organig mae'n llai tebygol y bydd eich bwyd yn cynnwys y gwaddodion hyn

• Mae ymchwil yn awgrymu y gall ffrwythau a llysiau organig gynnwys, ar gyfartaledd, lefelau uwch o fitamin C a mwynau pwysig eraill

• Ni chaniaeteir rhoi gwrthfiotigau'n rheolaidd i anifeiliaid fferm

• Ni fu erioed achos BSE ymhlith anifeiliaid wedi'u geni a'u magu ar fferm organig

• Ni chaniateir ond tua 30 o ychwanegion, fel halen a phowdwr codi, mewn bwyd organig prosesedig, o'u cymharu â mwy na 500 o ychwanegion a ganiateir mewn bwyd anorganig prosesedig

• Ni chaniateir seimiau hydrogenaidd, sydd yn gysylltiedig â chlefyd y galon, mewn bwydydd organig prosesedig

• Cafwyd bod lefel uwch o asidau brasterog hanfodol mewn anifeiliaid sydd wedi cael eu bwydo ar gyfrannau uwch o laswellt a meillion

• Dylai deiat iach fod yn gytbwys gan gynnwys digon o ffrwythau a llysiau ffres.  Gall deiat, organig neu beidio, syn'n llawn bwydydd hynod brosesedig, gynnwys lefelau afiach o siwgrau, seimiau dirlawn neu halen

• Datblygodd Llywodraeth Cynulliad Cymru gynllun gweithredu organig ym 1999, o flaen Lloegr a'r Alban, ac mae'n dal i gefnogi ffermwyr organig

• Mae Llywodraeth Cynulliad Cymru yn annog darparu mwy o fwyd wedi'i gynhyrchu yng Nghymru, gan gynnwys bwyd organig, mewn ysgolion, ysbytai a sefydliadau cyhoeddus eraill

• Mae cwmniau bwyd mawr yn buddsoddi'n gynyddol mewn cynnyrch organig newydd, yn aml gyda chefnogaeth Llywodraeth Cynulliad Cymru

• Mae Canolfan Organig Cymru yn gweithio gyda Llywodraeth Cynulliad CYmru i hybu ffermio organig. Gweler yr adran adran polisi

: Llun: Jeremy Moore

Sut alla i gael gwybod mwy am fwyd a ffermio organig a bod yn rhan o'r dyfodol organig yma?

Lawrlwythwch ein llyfryn, Bwyd Organig, beth yw'r holl sôn PDF

Gweler hefyd:

• www.defra.gov.uk/farm/organic/consumers safbwynt Llywodraeth y DU ar ffermio organig

• Y Soil Association, sy'm ymgyrchu am fwyd a ffermio organig yn y DU

•  Asiantaeth Safonau Bwyd Cymru

• Y Food Commission, corff ymgyrchu annibynnol

• Canolfan y Dechnoleg Amgen, ger Fachynlleth, sydd â gerddi organig

• Cyfeillion y Ddaear Cymru