Gwaith polisi yng Nghanolfan Organig Cymru:

Fel rhan o'n contract â Llywodraeth Cynulliad Cymru, mae gan Ganolfan Organig Cymru ddyletswydd i roi gwybodaeth a chyngor ynghylch sut mae polisïau'n effeithio ar ffermwyr a ffermio organig yng Nghymru. Mae hyn yn golygu ein bod yn ymateb i unrhyw ddogfennau yngynghorol a gyhoeddir, a chydweithio â swyddogion y Cynulliad ar faterion megis y Cynllun Ffermio Organig, taliadau cynhaliaeth, a'r cynlluniau Tir Gofal a Thir Cynnal. Mae gwybodaeth am faterion cyfredol yma (Saesneg). Y ffordd orau o wneud y gwaith hwn, yw drwy gadw mewn cyswllt rheolaidd â ffermwyr, a chael atborth ganddyn nhw. Felly, os oes gennych chi farn neu syniadau am grantiau a chynlluniau, neu rywbeth i ddweud am sut bydd rheolau newydd yn effeithio ar ffermio organig, cysylltwch â Sue Fowler (01970 621627).

Sefydlwyd Canolfan Organig Cymru ar ôl i Lywodraeth Cynulliad Cymru nodi bod angen canolfan a allai roi gwybodaeth ddiduedd i ffermwyr. Yn 2002 ailystyriodd Pwyllgor Amaethyddiaeth a Datblygu Gwledig y Cynulliad Cenedlaethol y nod hwnnw a'r adnoddau a roddwyd er mwyn cyrraedd y nod hwnnw (Gweler yr Arolwg o Bolisi Ffermio Organig). Ers hynny, estynnwyd ein cylch gwaith i gynnwys marchnata, addysg gyhoeddus ac i roi mwy o bwyslais ar bolisi. 

Yn ddiweddar fe gyhoeddodd y Grwp Strategaeth Organig ei ail Gynllun Gweithredu Organig i Gymru. Mae Carwyn Jones, y Gweinidog Amaeth, wedi rhoi ei sêl bendith ar y rhan fwyaf o'r 65 argymhelliad, ond roedd yn betrusgar ynghylch yr argymhellion sy'n ymwneud â newid genynnau cnydau (GM) ac nid oedd yn awyddus i gymeradwyo awgrymiadau bod bwyd organig yn iachach na bwyd a gynhyrchir drwy ddulliau cyffredin. Drwy gydol 2005 gweithiwn ni i sicrhau bod pawb sy'n ymwneud â'r sector organig - sef cynhyrchwyr, proseswyr, cyfanwerthwyr, manwerthwyr a phrynwyr - yn gallu cydweithio a helpu i ddatblygu'r gymuned ffyniannus o bobl sydd â diddordeb mewn ffermio organig yng Nghymru, yn unol â'r Cynllun Gweithredu. 

Am ragor o wybodaeth, dilynwch y dolenni isod:

• Cymru organig - materion cyfoes 

• ymatebion i waith ymgynghorol ar bolisi - ymgynghoriadau'r presennol a'r gorffenol

• Cnydau y newidiwyd eu genynnau (GM)

Efallai i bydd gennych ddiddordeb mewn:

• Cynllun gweithredu organig Ewrop (gwefan allanol)

• Tudalennau Ewropeaidd ar ddiwygio'r PAC (gwefan allanol)

• Cynllun gweithredu i ddatblygu bwyd a ffermio organig yn Lloegr (gwefan allanol)

Cyrff eraill:

• Soil Association

• Sustain

• Sefydliad Materion Cymreig